Нийслэлийн Удирдлагын Зөвлөлийн ээлжит хуралдаан 5 дугаар сарын 10-нд болж Улаанбаатар хотын гэр хорооллыг хөгжүүлэх, хөрөнгө оруулалтыг дэмжих хөтөлбөр, Улаанбаатар хотын багц дүрэм боловсруулах тухай, нийслэлийн агаарын чанарыг сайжруулах бүсэд хэрэгжүүлж буй ажлын явц, цаашид хэрэгжүүлэх арга хэмжээний тухай зэрэг асуудлыг хэлэлцлээ.

Нийслэлийн агаарын чанарыг сайжруулах бүсэд хэрэгжүүлж буй ажлын явц, цаашид хэрэгжүүлэх арга хэмжээний тухай нийслэлийн удирдлагын зөвлөлийн хуралдаанд нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ танилцууллаа. 2013 онд агаарын бохирдлыг бууруулах чиглэлээр хэрэгжүүлж буй Засгийн газрын ойрын хугацааны зорилт, Нийслэлийн Засаг даргын 2013 оны эдийн засаг, нийгмийн зорилтыг үндэслэн нийслэлийн агаарын чанарыг сайжруулах бүсийг шинэчлэн тогтоох төслийг боловсруулж энэхүү төслийг Байгаль орчин ногоон хөгжлийн сайд, Нийслэлийн Засаг дарга нарын хамтарсан тушаал, захирамжаар баталсан юм. Тус тушаал захирамжийн хүрээнд нийслэлийн гэр хорооллоос үүдэлтэй агаарын бохирдол болох тоосонцорын хэмжээг багасгах, түүхий нүүрсний галлагаанаас үүдэлтэй хүхэрт ислүүдийг багасгах зорилт тавьжээ. Агаарын чанарыг сайжруулах шинэчилсэн бүсэд нийслэлийн Баянгол, Баянзүрх, Сүхбаатар, Чингэлтэй, Сонгинохайрхан, Хан-Уул, Налайх зэрэг 7 дүүргийн нийт 99 хороог хамруулж тухайн бүсийг 3 дэд бүстэйгээр шинэчлэн тогтоож эрчим хүчний хэмнэлттэй зуухаар бүрэн хангахаар ажиллаж байгаа юм байна. 

2013 оны 04 сарын 24-нд Төрийн ордны Иргэний танхимд Нийслэлийн Засаг даргын хэрэгжүүлэгч агентлаг Агаарын чанарын алба болон Европийн сэргээн босголт, хөгжлийн банкны “Улаанбаатар хотын цэвэр агаарын санаачилга II” төсөл хамтран “Улаанбаатар хотын боловсруулсан түлшний хэрэгжилт, сайжруулах арга зам” зөвлөгөөнийг зохион байгууллаа. 
Зөвлөгөөнд оролцогчид Улаанбаатар хотын агаарын бохирдлыг бууруулах арга хэмжээний хүрээнд боловсруулсан түлшний үйлдвэрлэлийн өнөөгийн байдал, нийслэлийн агаарын чанарыг сайжруулах бүсэд нийлүүлэгдэж буй түлшний хангамж, хэрэгцээ, чанар, стандарт, шинжилгээний талаар болон цаашид авах арга хэмжээ зэрэг асуудлыг хэлэлцэв.

“Монгол Улсын мянганы хөгжлийн зорилтуудын 2015 он хүртлэх хэрэгжилтийг эрчимжүүлэх” Үндэсний зөвшилцөх уулзалт 2013 оны 3 дугаар сарын 28-ны өдөр Чингэс хаан зочид буудлын хурлын танхимд болов. Нээлт, хурлын зорилгыг танилцуулж Эдийн засгийн хөгжлийн Дэд сайд О.Чулуунбат, НҮБ-ийн суурин төлөөлөгч Сезин Синаноглү нар үг хэлэв. 

“ Монголын Мянганы хөгжлийн зорилтуудын хэрэгжилтийн явц, тоо мэдээлэл бидэнд юу хэлж байна вэ? Ямар зорилтууд удаашралтай байгаа вэ?” Нэртэй илтгэлийг Дотоодын зөвлөх Доктор Ш.Мөнхцэрэн тавьж, Эдийн засгийн хөгжлийн Төрийн нарийн бичгийн дарга Б.Шинэбаатар хуралдааны нэгдүгээр хэсгийг удирдаж явуулав.
Хоёрдугаар хэсэг: Удаашралтай байгаа Мянганы хөгжлийн зорилтуудын талаар авч хэрэгжүүлэх арга хэмжээ. НҮБ-ийн Хүүхдийн Сангийн Суурин төлөөлөгч Мохамэд Фолл хоёрдугаар хэсгийг удирдаж явуулав. НҮБ-ийн Ахлах эдийн засагч Доктор Саураб Синха “Удаашралтай байгаа Мянганы хөгжлийн зорилтуудыг 2015 оны эцэс хүртэл болон цаашид эрчимжүүлэх зорилгоор ямар арга хэмжээг авч хэрэгжүүлж болох вэ?” нэртэй илтгэлийг тавив.
Хурлын хаалт болгож Мянганы хөгжлийн зорилтуудын эрчимжилтийг хөгжлийн төлөвлөлт, хөтөлбөртэй уялдуулах, өнөөдрийн нээлттэй хэлэлцүүлгийн үр дүр ба цаашид санал болгож буй үйл ажиллагааны тоймын талаар Эдийн засгийн хөгжлийн Дэд сайд О.Чулуунбат үг хэлэв. Холбогдох удирдлагын бичиг баримт: Монгол Улсын Их Хурлын тогтоол . 2008.01.31. Дугаар 13. “Тогтоолд өөрчлөлт оруулах болон тогтоолын хавсралтыг шинэчлэн батлах тухай”. Монгол Улсын Засгийн газрын тогтоол. 2009.04.15. Дугаар 113. “Тогтоол өөрчлөлт оруулах тухай”
Мянганы Хөгжлийн Зорилтуудын хэрэгжилт, түүний үнэлгээ:
Зорилго долоо. Байгаль орчны тогтвортой байдлыг хангах.
Зорилт 14. Тогтвортой хөгжлийн зарчмыг улсын хөгжлийн бодлого, хөтөлбөрт тусган хэрэгжүүлж хот суурин ялангуяа Улаанбаатар хотын агаарыг цэвэршүүлэх
34.Нэг хүнд ногдох нүүрсхүчлийн давхар ислийн ялгаралт (тонн/хүн)

 БАЙГАЛЬ ОРЧИН, НОГООН ХӨГЖЛИЙН ЯАM ЦЭВЭР АГААРЫН САН

Монгол Улсын Засгийн газрын 2011 оны 309 дүгээр тогтоолоор баталсан журмын дагуу иргэн,аж ахуйн нэгж, байгууллагад урамшуулал олгох ажлын бүртгэл эхэллээ. Агаарынбохирдлыгбууруулах, дулаан алдагдлыг багасгах, цахилгаан эрчим хүч хэмнэх чиглэлээр үйл ажиллагаа явуулж байгаа иргэн, аж ахуйн нэгж, байгууллагууд өргөнөөр оролцохыгурьж байна. Шалгуур үзүүлэлтийг хангасан материалыг 2013 оны 03 дугаар сарын 27- наас 04 дүгээр сарын 26-ны өдрүүдэд

Хаяг: Улаанбаатар хот, Чингэлтэй дүүрэг, Хангарьд ордон 401 тоот
Утас: 314876, 318551
Факс: 324632
И-мэйл хаяг:  Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй.